JID KUFANYA KAZI YA MZIKI MWENYE JUKWANI,

Bongo Diva Lady Jaydee ametanabaisha ya kuwa kuanzia wiki ijayo ataanza kupanda jukwaani akiwa kivyake zaidi si kama wengi walivyozoea kumuona akiwa na Band nzima ya Machozi. 

Akiongea zaidi Jide alisema atakuwa akifanya kazi kivyake vyake zaidi mpaka hapo likizo itakapoisha na akirudi toka likizo pengine atakuja na Band mpya itakayojulikana kama New Machozi Band, ambayo itakuwa ikiundwa na sura mpya kabisa ambazo hamjawahi kuziona. 

Bila kuweka bayana kuwa je ndio itakuwa mwisho wa Machozi Band tunayoifahamu kwasasa au la, Jide alisema wapenzi wake wasiwe na wasiwasi kwani watapata burudani ile ile ya “Sanya Sanya” kama kawa. 

Zaidi ya hilo aliomba washabiki na wapenzi wake wafike weekend hii tarehe 16 pale Arabela kwa uzinduzi wa video yake mpya ya “Nataka kuwa Malaika” ambayo itakuwa ikionyeshwa kwa mara ya kwanza siku hiyo.